ئەم کارگەیە لە پارێزگای دهۆکە، یەکێکە لە کارگە نموونەییەکانی هەرێمی کوردستان و عێراق. توانای بەرهەمهێنانی ٥٠٠ تۆن ئاردی هەیە لە رۆژێکدا و خاوەن کۆگایەکە کە ٦٠ هەزار تۆن دانەوێڵە عەمبار دەکات دابەشی دەکاتە سەر ١٢ سایلۆ. کارگەکە ئامادەکراوە بە ئامێری پێشکەوتوو بۆ شێدارکردنی دانەوێڵە، چەندین کۆگا بە کۆتوانای دوو هەزار تۆن بۆ شوشتنی دانەوێڵە و چەند سایلۆیەک بە توانای ٥٠٠ تۆن بۆ کۆگاکردنی کەپەک (پاشماوەی ئارد). هەروەها دابینکراوە بە سایلۆ بۆ کۆگاکردنی ئاردی بەرهەمهاتوو بە توانای ١٥٠٠ تۆن. ئەم پڕۆژەیە رۆڵێکی گرنگی هەیە بۆ فراوانکردنی بازاڕ بۆ جوتیارە ناوخۆییەکان بەوەی کە دانەوێڵە لەوان وەردەگرێت. هەروەها بەشدارە لە دروستکردنی نزیکەی هەزار هەلی کار.
